Ekolo Russie esakoli ete epesi yango mpe lokola etumbu na bayi Etats-Unis zomi na misato bo’ eyano na etumbu Amerika na bayi West bapesi yango mpo na bitumba na Ukraine. Moscou esakoli ete epesi mpe etumbu yango na bakonzi ya Canada na bayi kikolo misusu ya West.
President Joe Biden ya Etats-Unis azali mpe moko na baye bapesami etumbu yango, elobi ministre ya Russie ya mambi ya Bapaya, Sergeui Lavrov.
Secrétaire d’Etat ya Amerika Antony Blinken na ya Bobateli ya Ekolo Lloyd Austin mpe bazali na kati.
Bayi ekolo Canada 313, lokola ministre ya Yambo Justin Trudeau. bazali mpe na etumbu yango.
Ezali yoko na biyano Russie epesi na etumbu Etats-Unis na bikolo misusu ya West bapesi na Moscou mpo na bitumba ezali kosala na Ukraine.
Washington epakisaki mibembo na Amerika na mokonzi ya Russie Vladimir Poutine na ministre wa ye ya mambi ya Bapaya Lavrov kati na bitumbu biye bikati Russie na mokili.
Russie elobi te etumbu na yango ezali mpenza ya ndenge nini.
Nzoka nde, bakisa lisungi lya dollars millions nkama mwambe Etats-Unis elobi epesi na Ukraine, Joe Biden alaki ete mboka na ye ekotinda bibutndeli ya kobatela mapata ma Ukraine kino mosika.
Ezalaki eyano na bosenga ya président Volodymyr Zelensky mercredi na lisikulu lya ye na visioconférence na Congrès ya Amerika.
