Ba “Ninja” ya kala baye bazalaki batomboki na nsima ya Frédéric Bintsamou to “Pasteur Tumi” basengi na mbulamatari ya Congo-Brazzaville kopesa ebonga na mokambi na bango kolanda boyokani bopesaki nzela ya kozongisa kimya nsima na bitumba bizalaki na mboka kati na 2016 na 2017.
Boyokani bwango bokosi sika mibu mitano.
“Tozali komona eloko na ngambo ya mbulamatari,” elobi Philippe Bibi oyo azali na mokumba ya CNR (Conseil national ya ba républicains), lingomba lya politiki lya « Pasteur Ntumi ».
“Mokambi na biso esengeli azala moto ya yambo ya kokotisa ma misala (mya mampinga)… Esengeli mpete na ye endima kolandama na kotalaka ndenge babundi bakala bandima kotika manduki mpe kokota mampinga to bocivili.” Ebakisi M. Bibi.
“Pasteur Ntumi” na ba Ninja ba ye baboyaka kondima elonga ya president Denis Sassou N’Guesso na maponami ma mokonzi ya mboka ma 2016.
Yango emamaki kitumba na etuka ya Pool kati na 1998 mpe 2003.
