Basoda babotoli bokonzi na Gabon batie général Brice Oligui, mokonzi ya badosa babetlaka mokonzi ya mboka na Gabon, bo’ mokambi ya ekolo mpo na eloko ya transition.
Basoda baye na bato bamimaki na balala batombolaki Basoda babotoli bokonzi na Gabon batie général Brice Oligui, na milulu basalaki nsima na bayi mampinga kosakola ete basukisi bokonzi ya Ali Bongo Ondimba mpe baboyi bilembo bya maponami “bya lokuta”, elobi bango.
Bilembo byango bisakola na ngonga ya minei ya ntongo o’mokolo mwa misato 31 sanza ya mwambe 2023 ngonga misato yambo na basoda basakola “Coup d’Etat” na bango.
Na ngambo na ye, Ali Bongo Ondimba oyo azalaki na ebonga ya bokonzi na Gabon abwaki mbela na baninga ba ye na molongo kotia makele mingi mpo basoda babotoli bokonzi nsima na bosakolami bwa elonga na ye na maponami ma mokonzi ya mboka masalamaki mokolo mwa mposo moleki.
“Ngai Ali Bongo mokonzi ya Gabon, natindi maloba maye na baninga banso tozali na bango na mokili mobimba mpo na koyebisa bango basala makelele - mpo na bato baye bakangaki ngai na libota na ngai. Mwana na ngai ya mobali azali esika moko boye, mwasi na ngai azali esika mosusu mpe nga nazali na ndako. Nga ngonga eye nazali na bokangami na ndako mpe eloko ezo salema te, eloko ezo salema te. Nayebi te nini ezali koleka. Yango nazo senga bino bosala makelele, bosalamakelele, botiya mpenza. Natondi bino botondi. Matondo!" elobi Ali Bongo na bililingi atiaki na ba réseaux sociaux.
Misala mikamba maponami na Gabon misakolaki na kati kati ya butu ete Ali Bongo alongaki na koleka 64% liboso lya moyi opposition Albert Ondo Ossa na pene na pene na 30%.
Bayi molongo mingi bapameli bokweyis bokonzi boye.
France empameli basoda kobotola bokonzi lokola bayi Union africaine, Common Wealth, Russie mpe Chine. Bayi oppositioin mingi bandimaka te ete Ali Bongo azali lisusu na makoki ya kokamba ekolo wuta akweyaki na mobembo na Emirats Arabie unie.
Washington elobi ezali kolandela makambo mazali koleka na Gabon mpe ekosala manso mpo na kopesa maboko na democratie na mboka eye.
Forum