Moyi EKolo Congo democratique Junior Ilunga Makabu apolaki mokolo mwa mposo moleki (4 ya sanza ya zomi na moko 2023) na bitumba bya ye na moyi ekolo Allemagne Noel Mikaelian oyo azwi sika nkamba ya elombe ya molongo ya WBC awa na Etats-Unis.
Na bitumba biye bizalaki bya molongo ya ba lourds-légers, M. Makabu apolaki na bokati bitumba ya mobeti piololo na round ya misato nsima na kokweyisama mbala mibale.
Bitumba byango bisalamaki na casino Miami Jai Jai, na Miami, na Florida awa na Etats-Unis.
M. Makabu, na mibu 35, azalaki koluka kozongela nkamba ya elombe ya molongo ya WBC eye abungisaki kasi Mikaelian na mibu 33 nde azwi yango mpo na mbala ya yambo.
Forum