Ba Léopards ya RDC basukisi CAN 2023 na molongo ya minei nsima na kopola na ba tirs au but na "finale ya moke" liboso lya Bafana Bafana ya Afrika ya Ngele o'mokolo mwa mposo na stade Felix Houphouet-Boigny, na Abidjan.
Basani ba RDC bazangaki kotia ba tirs au but mibale mpe bayi Afrika ya Ngele se moko.
Match esukaki 0-0 nsima na 90' minutes ya lisano mpe ba eikipi mibale balekaki mbala moko na ba tirs au but.
Capitaine ya ba Léopards Chancel Mbemba na ailier Elia Meschack nde bazangaki na ngambo ya ba Léopards.
Moyambi ya Bafana Bafana, Ronwen Williams ayambi ndembo na bango.
Finale nde ekobeta mokolo mwa eyenga, mokolo mwa zomi na moko ya sanza ya mibale ya 2024, kati na ba Eléphants ya Côte d'Ivoire, ekolo esika phase finale eye ezali kobetama, naba Super Eagles ya Nigeria.
Ba Eléphants nde balongolaki ba Léopards na 1/2 finale na 1-0.
Forum