USA elaki 5 millions $ na moto akopesa nsango ya bato banei babomaki ba experts ya ONU na Kasaï

Ekolo Amerika esakoli ete ebongisi mbano ya dollars millions mitano mpo na moto nyonso akopesa nsango ekomema na bokangami ya bato banei bafundama kozala na bobomi bwa ba experts ya ONU babale: moyi Amerika Michael Sharp na moyi ekolo Suede Zaida Catalan baye babomamaki na 2017 na Kasai na Ekolo Congo Democratique.

Esengeli kobenga numero ya WhtasApp +1 202 975 5468 mpo na kopesa nsango ya bato baye, na Mabongisi ma ekolo Amerika Global Criminal Justice Rewards Program (GCJRP).

GCJRP ezali koluka Evariste Ilunga Lumu oyo abengamaka Beau-Gras, Merovee Mutombo, Gerard Kabongo na Jean Kutemelu Badibanga oyo abengamaka Kutenelu baye bafundama kozala na bobomi ya bayi ONU babale ntango bazalaki kosala bolukiluki na mbeba ya makoki ma bomoto ya basimba mandoki ya Kamwina Nsampu na Kasai.

Nzoto na Michael Sharp na Zaidan Catala elokotamaki na sanza ya misato ya 2017 na ndenge ya mabe.

Zaida Catalan akatamaki moto.

Bosambisami bosalamaka kasi bato baye bazwamaka te.