Bokutani Tshisekedi-Kagame bosalami lisusu te o mokolo mwa mposo na Luanda lokola bozelamaki. Mokonzi ya Rwanda Paul Kagame akomi te na engumba mokonzi ya Angola epayi misala mitelemisami mpo Kigali ezali kosenga Kinshasa ekutana na masolo na batomboki ba M23 kasi Kinshasa eboyi.
Bokutani bosengelaki kosalama o'mokolo mwa 15 ya sanza ya zomi na mibale ya 2024 na Luanda kati na mokonzi ya Ekolo Cogno Démocratique Félix Tshisekedi na mokokani wa ye ya Rwanda Paul Kagame na bobondisami ya Joao Lourenço mokonzi ya Angola oyo aponama na Union africaine mpo misala mya kimya na est ya RDC, bosalami te nsima na Kigali kosenga na Kinshasa kondima masolo na mesa na batomboki ba M23.
"Kigali elakisi motema mabe," elobi na VOA Lingala moko limpinga lya ba balakisi bilongi ya RDC na Luanda, na makita mya bobongisi bokutani ya bakonzi ba Rwanda mpe ya RDC.
Botukani ya bobongisi boye bosengelaki kosalama kati limpnga lya ba ministres ya RDC, baye ba Rwanda na mokonzi M. Lourenço bosalamaki lisusu te mpo bayi Rwanda bazalaki na ngonda ya libwa lya ntongo ntango elengelamaki.
M. Tshisekedi asi akomaki na Luanda epayi akutani na M. Lourenço elongo na mokonzi ya kala ya Kenya Uhuru Kenyatta oyo azali momemi masolo na matata na est ya RDC na ngambo ya EAC, likita kya bikolo bya Afrika ya est.
M. Kagame asali mobembo yango te.
Mpe lisusu, na bokutani ya ba ministres, bayi Rwanda bakomaki te ntango esengelaki ngambo ibale ebanda masolo, na ngonga ya zomi na minei.
Makita mango mabandaki nde na ngonga ya zomi na mitano kasi nsima kosolo ngonga mitano nkwokoso ebimaki.
Bayi Kigali batiaki na mesa bosenga ete Kinshasa ekutana na batomboki ba M23 yambo ete bakonzi babale M. Tshisekedi na Kagame bakutana, soki te likita na bango likozala te.
Kinshasa eboyi na makasi manso mpo esi elobaka kala ete ekoki kovanda soki moke te na mesa na baotomboki.
Na liyebisi o'mokolo mwa eyenga, ministère ya mambi ma Bapaya na Rwanda erkomi : "ezali kaka na makambo RDC ekoki mpe esengeli kosala yango moko mpe kotiaka te ntango inso Rwanda liboso yambo mpo na kosala eloko te."
Yango, Kinshasa epesaki mokongo na masolo ma Nairobi maye masangisaki mangomba ma basimba bitumba ndenge na ndenge nmpe na batomboki ba M23.
M. Kenyatta akundoli na likita na MM. Tshisekedi mpe Lourenço ete M23 ebimaki na masolo ma EAC na kosengaka ete mangomba masusu lokola Codeco eye ebomaka na Ituri, makotisama mpe na masolo mango.
Masolo ma Luanda matelemi nde na esika, Kasi mobondi ya masolo akoki kosala mayele ya komema ngambo inso lisusu na mesa yambo ete bakonzi babale M. Tshisekdi na M. Kagame bandima mpe kokutana.
Nzoka nde, Corneil Nangaa, mokambi ya kala ya Misala mya maponami (CENI) na RDC oyo akoma wuta mwa ntango mokambi ya liboke ya botomboki Alliance Fleuce (AFC) liye lizaka na kati na M23 asakolaki kaka mokolo moye mposo ete masolo ma Luanda matali bango te.
"AFC ezali na masolo ma ye te mpe mikano mikobima kuna mikotala biso soki moke pamba te lokola bato ba bwanya Mahamat Ghandi na Nelson Mandela balobaki: 'nyonso oyo olingi kosala mpo na nga mpe otie nga na kati te ezali mpo na kobundisa nga'" elobaki Nangaa na suka ya lisikulu asalaki na YouTube mpo na mokolo mwa mobu moko wuta liboke AFC.
M. Nangaa abakisi ete azali kopesa maboko na mosala M. Lourenço azali kosala kasi yango ezali kaka mosala ndambo mpo etali te makambo masusu na nkwokoso ya RDC eye etindi bango kosala bimbumba mpo etali Buku likonzi,
Forum