"Tozali komona mikolo miye bokangami ya ba 'opérateurs économiques’" boye "bolandami na botindami na bango na boloko," ekomi M. Yuma na mokanda andindelaki procureur, le 18 août 2020.
Mokambi ya FEC alimboli ete bokangami na bango ezali mpo na ba compensations (boyokani ya kofuta mpako te mpo na nyongo mbulamatari ezali na yango) mpe ndingisa ya kofuta mpako te ("exonérations").
M. Yuma alobi ete balakisi bilongi ya misala songolo to pakala mya l'Etat batia manzaka na mikanda ya kondi nyongo ya mbulamatari. Yango nde epesi nzela na ba compensations wana.
Mposo moleki, Inspecteur général ya Finances, Alingete Key, bazuzi basengamaki kolandela makambo ma ba compensations ya lokuta.
M. Alingete alobaki ete ekolo ezali kobungisa 5 milliards ya ba dollars na ba exonérations (ndingisa ya kofuta mpako te) mpe 1,5 milliards ya ba dollars na ba compensations ya lokuta.
Alobi ete bolukiluki bominisi ete 1.300 exonérations ezali na mboka mpe yango ezangisi ekolo 5 milliards ya ba dollars.
Mboka ezangaka 1,5 milliards ya ba dollars mpo na ba compensations.
