Sango yango eyebisami na mokambi ya misalala ya bokengeli ya OMS (Orgnisation mondiale ya santé), Dr Boubacar Diallo.
Ezali baye ya libota ya moluki wolo oyo akufaki o'mokolo ya misato na Goma.
Kolanda mokambi ya bitumba na Ebola na RDC, Dr. Jean-Jacques Muyembe, mwasi ya mowei moye na mwana wa ye ya mobu moko bazwamaki na Ebola, basusu banei ya libota yango bamonani naino na virus yango te.
Kasi minganga bazali kotala bango mpe bazuwi miko ya kopekisa bokono ya Ebola bopanzana. Bapesi bango mangwele, elobi Mabongisi ya molongo mpo na bokolongono.
Linaka ya sika ya Dr. Muyembe
Nzonkande, linaka ya Dr. Jean-Jacques Muyembe mokambi ya sika ya misala ya bitumba ya na bokono ya Ebola lidimami, nsima ya mikolo misato ya komanyolama, na partenaires to baye basalaka bitumba biye.
Na linaka liye, Dr. Muyembe asengi ete mosala ya psychologie mpe ya kopesa mateya, mosalama epayi na bilenge. Bakambi ya bituka basengami kokotisama na bitumba biye, mangwele mapesema kolanda bitando bato bavandi; mpe bopanzi sango bosalama malamu epayi ya bavandi na mboka mpe nzinga nzinga ya Congo dénocratique.
