"Lobi loleki, (bavandi) bakangaki ADF moko awa na Goma na ba bombes artisanales. Lokola bazali kobengana bango na Beni, basili bapanzani," esakoli M. Kasivita na bokutani na bapanzi sango bayike na engumba mokonzi ya Nord-Kivu.
Mpo na ye, likambo yango lipesi nzela ete bavandi bamona ete ba Congolais mpe bakota na lisanga ya basimba ya batomboki ya Ouganda, ADF.
M. Kasivita abwaki mbela na bavandi kozala na bokebi.
Mampinga ya RDC, ba FARDC, babandaki kobengana ba ADF na Beni na suka ya sanza ya octobre. Batiya Etat-major général na bango na Beni.
