Bakambi baye ba lingomba Lamuka batie manzaka bango banso na liyebisi libimisami vendredi.
Bapameli mbilingambilinga inso na bokutani ya bakambi babiyamba baye bakoki nanu te koyokana mpo na kopona moto akozwa esika ya Corneille Nangaa na bokambi CENI (Commission électorale nationale indépendante).
Tozali kondima ete bato ba Nzambe boteya na kolakisa ndakisa mpe bakoboya misolo mya nsoni mpe mya kaniaka miye mikoki kobebisa lokumu na bango mpe lobi ya ekolo, mingi mpenza bolamu bwa bana mboka, ekomi bakambi baye na liyebisi.
Bakambi ya Lamuka basembi batambwisi biyamba kosala liboso mpo mbongwana na misala mya mapaonami. Bakomi yango na mokanda batie manzaka.
Bapameli baye bazali koyokana na ndenge ya mabe mpo na kowumisa bikela bya mabe niye bimema mboka na nkwokoso ya nkita mpe ya bomoi bwa bato biye bipesaka nzela ten a ntombwa ya mboka, ekomi bakambi ba Lamuka.
Bakambi ya Lamuka basengi mpe audit ya CENI.
Mikolo misbale mileki bakambi ba biyamba bakokaki te koyokana mpo na kopona mokambi mwa sika ya CENI, ebonga eye evandelami kino sika na Corneille Nangaa.
