Président Félix Tshisekedi ya RDC, Denis Sassou Nguesso ya Congo-Brazzaville mpe bakonzi ya mboka nziike ya Afrika bazalaki kuna.
Na mboka tuku mitano na minei ya Afrika, kaka Erythrée nde etieyi nanu te maboko na boyokani boye.
Ndako ya ZLEC ekozala na Accra, na Ghana.
Mpo na président ya commission ya UA, bobandi ya ZLEC bozali "likambo ya motuya koleka na bomoi ya continent ya Afrika banda bokelami ya OUA (Organisation de l’unité africaine) na 1963 mpe mbongwana na yango na Union africaine".
"Bikolo biye bitombwa mingi te bipesalami mibu zomi yambo ya kolongola bipekiselo binso ya douane (mpako). Lisanga ya mboka motoba (kati na yango Niger mpe Malawi) bango bapesameli mibu 15," elobi na AFP Cristina Chatima, mokambi ya mombongo ya Malawi.