Akitaki na mpepo mwa ntango moke yambo na minuit na engumba mokonzi ya Amerika.
Baye nzinganzinga na ye balobi bokutani nzike bozali na linaka wa ye. Kati na yango, masolo na Secrétaire d’Etat Mike Pompeo.
Bokutani misusu bokozala na bakeli misala mpe na baye ya misala ya mobongo ya ekolo Amerika mpe RDC. Na lipinga ya baye balandi ye, boko ya bato lolenge loye bawuti na RDC. Kasi président ya RDC akosola mpe na ba Congolais baye bavandi na Amerika.
Na liyebisi moko, mokonzi ya RDC alobi ete masolo etali makombo ya kati ya mboka makobeta nde na mboka. Ndimbola liye eyaki nsima na ba medias koloba ete akokaki kutana na opposant Martin Fayulu, oyo azali kokoba koloba ete ye nde alongaki na maponami ya mokonzi ya mboka le 30 decembre 2018.
Martin Fayulu akomaki na Etats-Unis mposo moko na ndambo moleki.
