"Bolongwi na nzoto ya Etienne Tshisekedi bokoki kosalama lisusu lelo te. Toyebi ntina te kasi esengli kotuna baye ya ngambo ya Ekolo Congo démocratique baye bazali kobongisa makambo matali mpepo. Milulu ya botomboli nzoto mizongisami nsima," eyanoli moko na balobeli ya ministère ya mambi ya Bapaya ya Belgique na motuna ya VOA Lingala. Ezali na ngonga ya 21h ya Belgique.
Kolanda moko na baye basololi na AFP, nkwokoso ezalaki mpo etali mpepo moye molingaki komema bato 250 ya libota ya mowei kowuta Belgique.
Moko ya baye ya libota ya Etienne Tshisekedi alobi ete mpepo yango mokolongwa na aéroport privé moko o’mokolo ya minei na ngonga ya 14h00 temps universel.
Nzoto ya Tshisekedi, tata na président Félix Tshisekedi, esengelaki ekoma le 30 mai na Kinshasa. Mpe matanga masalema kino le 1er juin yambo ya bokutami na ye.
Etienne Tshisekedi awaki le 2 février na Bruxelles 2017. Nzoto ebombama na ndako ya malili kuna wuta ntango wana.
