"Matondo mingi na Papa mosantu mpo na kopesa matoyi na bolingo na bana ba Congo na kotia nga lelo bo’ moko na bayi Conseil ya ba cardinaux. Nayebi bozito ya mosala mozali kozela ngai epayi na Papa mosantu. Bobondela mpon nga," ekomi cardinal Ambonho na compte Twitter na ye.
Mbulamatari yango ekosunga mpe Papa mpo etali mbongwana ya Buku likonzi ya ba apostolo mpo etali Curie romaine Pastor Bonus.
Ba cardinaux basusu ba bikolo misusu mpe bazali na mbumatari yango.
Kati na bango ezali na Pietro Parolin bo’ secrétaire d'État; Seán Patrick O'Malley, archevêque ya Boston na États-Unis; Oswald Gracias, archevêque ya Bombay na Inde; Reinhard Marx, archevêque ya München und Freising na Ekolo Allemagne fédérale; mpe Giuseppe Bertello, président ya gouvernorat ya État ya Cité ya Vatican.
Mgr Ambongo azalaki kati na ba cardinaux baye Papa wa Roma atiaki na février bo bayi curie romaine. Atiamaki bo’ moko na dicastère (ministère) ya bayi lingomba lya ba instituts ya bamibonza mpe ya ba sociétés ya bomoi ya bapostolo.
