"Mokonzi ya mboka ya kala atikala soki moke te kotinda mosolo ya l’état na compte na ye to na ya entité mosusu. Oyo nyonso elobami," ezali lokuta, elobi Eduardo dos Santos na mokanda akomaki le 13 janvier kasi emonani lelo.
Tribunal moko ya Luanda ekangaki na décembre ba comptes bancaires mpe bozwi ya Isabel dos Santos na Angola.
Misala ya bosembo ya Angola ekanisi ete Isabel dos Santos na molongani wa ye, moyi mboka Congo démocratique, Sindika Dokolo, bapengwisi koleka milliard moko ya ba dollars ya l’état ya Sonangol (Société nationale ya pétrole ya Angola) na ya Endima (Société ya diamant) mpo na kotia yango na ba affaires na ye moko.
Isabel dos Santos, oyo azali milliardaire, alobi ete eyano na ye ekozala na nzela ya politiki. Alaki ete akopesa nkombo na ye na maponami ya mokonzi ya mboka makoya.
Ekoki kosalama… Nakosala manso mazali na makoki ma nga mpo na kobundela ekolo na nga, ayanolaki mercredi na motuna radiotélévision ya l’état na Angola.
José Eduardo Santos afundami te ye moko na makambo yango.
Azalaka na bokonzi wuto 1979 kino 2017, mpe alongwaki mpo na bokono.
