Inspecteur principal ya Minova, Joseph Diandenda, andimi na ete bakonzi babale ya biteyelo bakimi na ba frais ya participation ya bana kelasi baye bazali kosala examen d’Etat wuto lundi.
"Napesi mitindo batika bana ba kelasi basala examen d’Etat kasi mokanda ya koluka bakonzi ya biteyelo babale baye mobisami mpo ete kakangama mpe basamba," elimboli na AFP M. Diangenda.
Nzokande balakisi mpe bakonzi ya biteyeli balelaka mpo bafutamaka malamu te.
"Na Minova, bayekoli babale balataki lokola bana ba kelasi bakangami ntango bazalaki kosala examen na esika ya bana ba kelasi basusu," ebakisi M. Diangenda.
Balakisi bango bandimi mbeba na bango.
Bana kelasi koleka 800.000 nde bazali kosala mimekano mya suka ya kelasi ya secondaire na etando mobimba ya RDC kino jeudi.
