Ntoma Bene Lofongo M’Poko akomi na mokanda ete ba Congolais banso bayebisa na Ambassade ya RDC na Pretoria likama inso bazwaki.
"Mpo na yango, (Ambassade ya RDC na Pretoria) esengi ete bolimboli malamu ya maye malekaki, na bilembo ya solo, bopesama na bureau ya Ambassade eye etalaka makambo ya libanda na : rdcongo@lantic.net Téléphone +2712 434 2455," elobi liyebisi ntoma Bene L. M’Poko.
Na ngambo na bango, bakonzi ya Nigeria bayebisi ete bakobanda kozongisa bana ya ekolo na bango bavandi na Afrika ya ngele o'mokolo ya misato. Bakotinda mpepo mibale mpo na kobanda.
