Kalaka mokonzi ya ONU, Antonio Guterres abalusi makolo ma ye wuto Portugal mpe azongi mbangu na New York mpo na ndenge matata makomi mabe na Ukainre, akosala lisusu te mobembo mosakolamaki na Ekolo Congo démocratique, elobi bayi nzinga nzinga naye.
"Kotalaka ndenge makambo mabebisami na maye matali Ukraine, kalaka mokonzi akosala lisusu te mobembo na ye na RDC. Akozonga na New York o’mokolo mwa mibale," elobi liyebisi litiami manzaka na molobeli ya M. Guterres, Stéphanie Dujarric.
Nzokande Emmanuel Macron mokonzi ya France abengisi likita lya kafukafu ya Conseil ya sécurité ya ONU mardi na New York nsima na mokonzi ya Russie Vladimir Poutine kondima bonsomi botomboki ba Ukraine to ya bayi Ukraine balingi kokabwana.
M. Poutine apesi mpe mitindo na mampinga ma Russie kotia kimya na bituka bipayi bisimbama na batomboki.
Président Joe Biden ya Etats-Unis lokola mpe chancellier ya Allemagne balobi ete bizalali ya M. Poutine bikopesama mbano esengeli.
M. Biden abengaki mokonzi Ukraine mpe alaki ye ete Etats-Unis ekosala nyonso mpo bomoko ya Ukraine botikala,
M. Guterres azalaki na nzela ya kokende na RDC nsima na kozala mposo moleki na Munich, na Allemagne, mpo na bokengi mpe kokende na Portugal esika mbela ya likita ya Conseil ya Sécurité ekuteli ye.