ICIJ (Consortium international ba bapanzi sango ya investigations [bolukiluki]) ebimisaki dimanche mikanda mingi milakisi ba 'montages financiers' na nzela nini Mme dos Sados elakaki mpo na kobenda misolo na libenga ya mboka.
Mwasi ya mibu 46, Mme dos Santos awangani yango.
Lingomba ya ba bapanzi sango liye liyebani mpe na nkombo ya "Luanda Lekas" lisangisi ba journalistes 120 ya mboka pene na 20, libeti mokoloto na makambo maye misala ya bosembo ya Angola mizali kosala bolukiluki likolo na mwana ya José Eduardo dos Santos oyo abengamaka mpe na Angola "Princesse".
"Tokosalela makakoki manso mpe tokoleka na nzela inso ya molongo mpo na kozingisa Isabel dos Santos na mboka," elobi procureur général Helder Pitra Gros na Luanda.
Misala mya ya bosembo, elobi magistrat oyo, misengi lisungi ya molongo na Portugal, ya Dubai mpo bikolo bisusu na ntina ya bozongisami na Angola ya Isabel dos Santos oyo akoma kovanda mingi na Londres mpe Dubaï.
Sanza eleki, justice ya Angola ekangaki ba comptes bancaires mpe bozwi ya Mme Isabel na molongani wa ye Sindika Dokolo, oyo azali mwana ya mokolo banque ya yambo ya ekolo Congo démocratique.
Justice ezali kofunda bango na kopengwisa milliard moko ya ba dollars ya Sonangol (Société nationale angolaise ya pétrole) mpe Endiama (ya diamant) mpo na kotiya yango na misala na bango moko ya bembeni.
Mposo moleki, Mme Isabel asakolaki ete akoki kopesa nkombo na ye mpo na kowela bokonzi ya mboka ya 2022.
Na ngambo na ye, Eduardo dos Santos alobi azali te kati na kopengwisama ya mosolo. Mokonzi ya kala ya Angola azali na Portugal mpo na lisalisa ya nzoto mpe kopema.
