Alobaki yango na milulu ya botiyami ya bayi mbulamatari mpe mampinga ya sika na mboka na ye, le 14 novembre 2019.
"Tokofutisa bango ntalo mingi, baye bazali koluka kobebisa bokengi na biso. Motuya ekozala monene mingi. Nazali koyebisa bino mpe boyebi ete oyo nakanisaka yango nde nasalaka (nalobaka). Nalingi nakebisa bato kati na biso, bato baye bazali kobombama nsima na biloko ebele, démocratie, politiki, bonsomi. Ezali biloko tolingi mpe ezali mokumba na biso tosala ete democratie, kimya, bonsomi ezala na mboka na biso. Kasi baye banso bazali kobombama nsima na buzoba manso maye mpe basungami mpe bayebani na baye ya libanda, bozali kosepela kasi bokomona ndenge nkanda na biso ezalaka," elobi M. Kagame na mongongo ya kanza.
Mokonzi ya ekolo Rwanda asengi na baye banso bazali na makambo mango "komibisa mpe koyambola na lombango".
"Bokoki te kotila awa, bovanda na kimya mpe na bokengi oyo biso tokeli mpe tosombi na motuya ya makila ma biso mibu minso miye. Bokoki te kosala makambo maye na nsima na mokongo na biso mpe komemela biso makmabo. Tokotiya bino bisika bosengeli bozala, ezali kutu te likambo ya mituna," epameli M. Kagame.
Alobi makambo maye ntango ekolo Congo démocratique ezali kosala misala mya kobengana batomboki mpe esengaki Rwanda mpe bikolo binso ya pembeni kobenga bango na ndelo na bango.
Ba FARDC, mampinga ma ekolo Congo démocratique masakolaki ete babomaki bakambi ya batomboki ya Rwanda, ba FDLR sanza eleki mpe mposo moleki, Sylvestre Mudacumura mpe Jean-Michel Africa (Musabimana Juvenal).
Rwanda ezkangi bayike ya ba FDLR bakatisa ngambo na yango.
Na Rwanda, bayi opposition ya RNC (Congrès national rwandais) basambisamaki le 2 octobre 2019.
Ba opposants (batelemeli) mingi bazali na boloko.
Victoire Ingabire, abima boloko kasi akenda koyanola mposo nyonso na police.
