Bazuzi bamipesaki 48 heures mpo na kopesa eyano na basambeli ba M. Kamerhe baye basengaki bobimisami na ye lundi na bobabndi ya kosambisama na ye.
Ekomi mbala ya misato ete misala mya bosembo miboyi kobimisa M. Kamerhe.
Procès ya M. Kamerhe elongo na Samih Jamal na Jeannot Muhino ebandaki lundi na boloko ya Makala, na Kinshasa, mpo na kopengwisa misolo mya misala ya botongi mpo na mikolo 100 ya président Félix Tshisekedi.
Mibu 61, motambwisi ya kala ya Assemblée nationale mpe mokambi ya Union pour la nation (UNC), lingomba na ye ya politiki, Vital Kamerha, oyo azali allié ya likonzi na boyokani ya lingomba ya maponami CACH, (Cap pour le changement) afundami elongo na Libanais Samih Jamal na kopengwisa misolo 48 millions $ mizalaki mpo na kotonga ndako mpe lisusu 237 millions mpo na ndako 3.000.
Basembeli ba M. Kamerhe balobi esengelaki bazuzi bandima kotika ye mpo azali nzoto malamu te mpe mpo amilengele malamu na kosamba.
Kiso siko oyo, M. Kamerhe alongwe na ebonga na ye te ya mokambi ya ndako ya misala ya mokonzi ya mboka.
Akotaki boloko le 8 avril nsima na koyanola na parquet ya Cour d’appel ya Kinshasa/Matete.
Bazuzi balobaki ete bazali na bilembo bilakisi ete M. Kamerhe azali na bopengwisami misolo miye.
