"Tolendisi bana mboka mpo bazala mingi na botamboli na kimya nyonso o’mokolo mwa eyenga le 19 juillet, bobongisami na CLC (Comité laïc de coordination), LUCHA, FILIMBI mpe mangomba masusu ma makoki ma bana mboka," elakisi mokanda motiami mazanka na Jean-Pierre Bemba, Martin Fayulu, Moïse Katumbi mpe Adolphe Muzito.
Mangomba maye, CLC, LUCHA, FILIMBI mpe masusu bakomelaki mokambi ya etuka ya Kinshsa jeudi mpo na koyebisa mabongisami ma kbotamboli boye.
Mangomba yango masakoli mpe ete makotambola mpe mpo na koboya mabongisi ma bikeo misato ya kokonza bazui maye matindami na bayi FCC, lingomba ya mokonzi ya kala Joseph Kabila.
Botamboli bwango boko banda na wenze ya Liberté (Bonsomi) na Masina mpe ekosuka na etando pene na boulevard triomphal na ngambo na stade des martyrs.
Ba liyebisi na bango, bakambi ba Lamuka bapameli monyokoli mpe botiami ya police mpo kopekisa bato kotambola mikolo mileki na bituka mingi.
Basengi botimi bwa baye banso bakangamaki.
