Liens d'accessibilité

Yekola Angele
Langues
Direct
site logo site logo
Précédent Suivant
Dernières nouvelles
RDC

Minganga misatu ya RDC bakangami mpo na liwa ya moye ya Cameroun na Butembo

Matanga ya épidémiologiste Richard Mouzoko ya ekolo Cameroun, mosali ya OMS (Mabongisi ya molongo mpo na bokolongono), azuwaki masisi na lopitalo ya Butembo, 4 mai 2019. (Twitter/OMS)
Matanga ya épidémiologiste Richard Mouzoko ya ekolo Cameroun, mosali ya OMS (Mabongisi ya molongo mpo na bokolongono), azuwaki masisi na lopitalo ya Butembo, 4 mai 2019. (Twitter/OMS)

Minganga misatu ya Congo démocratique bakangami nsima na bofundami mpo na liwa ya moninga wa bango ya ekolo Cameroun, épidémiologiste Richard Mouzoko ya OMS (Mabongisi ya molongo mpo na bokolongono) oyo babomaka na Butembo na misala ya kobundisa Ebola le 19 avril eleki.

Procureur militaire ya Butembo, lieutenant-colonel Jean-Baptiste Kumbu Ngoma alobi ete minganga miye balandami mpo na terrorisme mpe bosangani mpo na kosala mabe.

Minganga miye bafundami, bazali banei.

Kasi kaka ba dokotolo Hippolyte Sangala Kisako, Aurélien LuendoPaluku mpe Gilbert Kasereka nde bakangami.

Monganga ya minei, Dr. Mundama Witende oyo alukami mpe lokola, azali libanda na mboka, kolanda maloba ya baninga baye.

Mwasi moko mpe azwami kati na bato basusu baye bakangami.

Mosambi ya Dr. Sangala, Me Jean-Guelord Kizito Poipo andimi ete minganga miye bakangami solo nsima na koyokama na bazuzi.

Dr. Mouzoko oyo babomobomaki, azalaki kobamba bokutani na lopitalo ya Butembo ntango basimba mituki babetaki ye masasi le 19 avril eleki.

A lire aussi

Back to top
XS
SM
MD
LG