Akomaki lisusu te mardi lokola sango epesamaki.osala na RDC, atindami Kinshasa na bakonzi ba Congo-Brazzaville epayi wapi akanagamaki le 20 avril eleki.
"Napesi longonya mpo na bozongisami ya Willy Bakonga bosalami lelo le 28 avril 2021 na 17 heures. Napesi longonya na mbulamatari ya Congo-Brazzaville mpe Congo-Kinshasa lokola mpe na misala mya bokengi na mboka mibale na boyokani na bitumba na bozangi kopesa etumbu," esakoli mokambi ya ONG ACAJ (Association pour l’accès à la justice), Georges Kabiampa.
Willy Bakonga, ministre ya kala ya EPST, kelasi ya nse, ya kati mpe technique ya mbulamatari ebimi na mosala na RDC, atindami Kinshasa na bakonzi ba Congo-Brazzaville epayi wapi akanagamaki le 20 avril eleki.
M. Bakonga akangamaki le 20 avril na libanda lya mpepo ya Maya-Maya, na Brazzaville, kati na mpepo ya Air France elingaki komema basali mibembo na Paris.
Nzokande yambo na yango, M. Bakonga abengisamaki mpe azelamaki na parquet général ya Cour ya cassation le 16 avril 2021 mpo na botangami bwa ye na bopengwisi misolo miike lokola pene na 1,5 millions dollars mizalaki mpo na kobatela biteyelo na coronavirus mpe mpo na misolo misusu mpe mpo na kotia biteyelo ya lokuta lokola mpe balakisa balokuta na nkasa ya kozwa misolo mya l’Etat.
M. Bakonga akenda na mbyangama yango te.
ONG ACAJ (Association congolaise pour l’accès à la justice) elobaki ete azwamaki na libanda lya mpepo lya Maya-Maya na millions mibale ya ba dollars na libenga lya ye.
ANAC (Agence nationale ya aviation civile) endimaki bokangami ya M. Bakonga kasi epesaki sango ya misolo myango te.
Mbulamatari ya RDC esengaki bozongisami na M. Bakonga mpo atelema liboso lya bazuzi.
Bakonzi baike ya misala mya botangisi bakatelamaki mibu 20 mya boloko nsima na kosambisama mpo na kopengwisa misolo mya kelasi ya ofele.
Batangaki M. Bakonga oyo awanganaka.
