"Ezali na mawa makasi nde Virunga esakoli liwa lya mokomboso ya ngomba, etike, Ndakasi, eye ezalaki kovanda na centre Senkwekwe wuto pene na mibu zomi," elaksisi liyebisi,
Mokomboso Ndakasi ekufaki le 25 septembre nsima na bokono bolayi mpe bokolongo bwa yango bobebaki noki,, kolanda PNVI.
"Ndakasi ezongisaki mpema na yango na maboko ya mobateli na yango mpe moninga wa yango André Bauma," ebakisi liyebisi.
Ndakasi etiamaka na ba documentaires mpe films mingi.
Selfie na yango moko ekedanki sango mingi na mokolo mwa mabel (mokili), elobi PNVI.
Ndakasi ebotamaki na 2007 mpe ekomaki etike ntango ezalaki nanu na sanza mibale nsima na liwa lya mama na yango basimba minduki babomaka kolanda botangi bosalamaki kati na 2016 kino 2018.
Mikomboso ya ngomba bazalaka 1.063 na etuka eye kati na RDC, Ouganda mpe Rwanda, ezipama na parc ya Virunga, 7.800 km2 na Nord-Kivu, na monyele ya RDC.
