Molongani ya président ya Haïti azali na bomoi mpe asengeli amemama libanda, elobi ntoma ya Etats-Unis

Ntoma Bocchit Edmond ayebisi bapanzi sango ete babomi ya président Moïse bazali bato mosala mwa bango mozali koboma to bazali ba "professionnels".

"Ezalaki likambu libongisamaki malamu mpe bazali ba ‘professionnels’… Tomoni vidéo moko mpe tokanisi ete ezali ba mercenaires," elobi ntoma Edmond.

Ministre ya mambi ma kati ya mboka ya Haïti nde asakolaki ete président Moïse abobomamaki na masasi na mwasi na ye butu boleki.

Ministre wa yambo ya Haïti Claude Joseph atie état de siège na mboka mpe asengi na bana ba Haïti bazaka na kimya.