"Tata mokonzi ya mboka, Félix Tshisekedi Tshilombo ayoki, na motema mpasi, sango ya bobomi ya bana kelesai babale bazalaki komibongisa mpo kosala momekano ya TENAFET na territoire ya Masisi, na Nord-Kivu," elakisi Tweet moko ya présidence ya RDC.
"Mokonzi ya mboka ambodisi mitema mya mabota ma bango mpe alaki kosukisa na makasi misala mya mabe miye," ebakisi présidence.
Mokambi ya Assemblée nationale, Jeanine mabunda alobi ye mpe ete ayoki mawa mingi.
"Ezali mbeba ya mabe makasi eye natelemeli na makasi manso. Eteyelo ezali esika ya kopesa limemya," ekomi Mme Mabunda na Twitter na ye.
Kolanda mokambi ya territoire ya Masisi, Cosma Kangakolo, bana babale ba kelasi bakufaki na masasi, babale basusu bazokaki mpe nzoto ya moko na baye basalaki bitumba ezwamaki na eteyelo yango nsima na basimba minduki kosala bitumba.
Babetanaki masasi na bayi" mampinga ma RDC, FARDC.
Bakeli mibeko mingi basengi ministre ya Défense mpe oyo ya Intérieur kopesa biyano sik’oyo.
"Esengeli komituna soki mboka na biso ezali te na bitumba. Ekolo eye ebatelaka moto moko te. Mondelo ya motane mokatisami. Ntango eye ezali lisusu te maloba ya kobondisa mitema pamba," elobi mokeli mibeko Chrsitelle Vuanga.
