Opposant ya kala ya Congo dénocratique mpe Premier ministre mbala misatu, Etienne Tshisekedi afuki le 1er février 2017 na egnumba mokonzi ya Belgique epayi wapi akendaki kosalisa nzoto waye.
Kasi Nzoto na ye ezongaka te wuta ntango yango na Congo démocratique mpo na bozangi boyakani kati na gouvernement ya Joseph Kabila mpe lingomba wa ye ya politique UDPS na libota wa ye.
Félix Tshisekedi mwana wa ye akomani mokonzi nsima na maponami ya le 30 décembre. Apesi nzela na bozongi ya nzoto ya nkondo.
Bakonzi basusu mpe bazalaki na N’Djili.
Bituluku na bato batandamaki na banzela mpo na kopesa losako na nzoto ya Etienne Tshisekedi. Basusu bazelaki banda ntongo.
Matanga makosalama mikolo misatu.
Nzoto ya nkondo Etienne Tshisekedi ekomema na morgue ya Hôpital ya Cinquantenaire kasi akoleka na Boulevard Lumumba mpe na Limete epayi wapi ndako waye mpe parti na ye UDPS bizalaka.
Lobi, vendredi, na ntongo nde ndambo ya baye libota batomboli nzoto mpo na bobemani wa yango na Stade ya ba Martyrs ya Pentecôte mpo na misasa mikosalama na cardinal Fridolin Ambongo.
Etienne Tshisekedi akotiyama na litata o’mokolo ya le 1er juin.
