"Na lobeli ye mpo etali M. Mokoko na basusu, na yebisi ye ete tozali kozela kotala nini akosala," elobi Le Drian nsima na bokutani na Denis Sassou N’Guesso.
Nzokande président Denis Sassou ayambamaki mpe na mokokani ya France Emmanuel Macron na ndako monene ya Elysée.
Kolanda moko na bapesi toli mpo etali sango ya mokonzi ya Congo-Brazzaville, mobembo moye mozali ya mosala.
Bakonzi babale baye basololi mpo etali boyokani ya mboka mibale, eyebisi mopesi toli ya M. Sassou. Balobeli mpe libanda ya bomoi to envrionnement, zamba mpe biteyelo, ebakisi mopesi toli.
