Mbulamatari ya Burundi elobi ete akufi na mbalakaka, na bokati motema.
Ayokaki malamu te na butu ya mokolo mwa mposo kasi amamemaki na lopitalo mpe mokolo mwa eyenga ayokaki mwa malamu, kolanda liyebisi ya lya mbulamatari.
"Na bokamwisami ya bato banso, na ntongo ya lundi 8 juin 2020, bokolongono bwa nzoto bwa ye bobebaki mpe bokati motema bolandamaki," ekomi mbulamatari ya Burundi.
Bakonzi ya Burundi batie matanga ya mikolo sambo.
Pierre Nkurunziza azalaki na mibu 55, aboyabi kopesa nkombo te na maponami mpo alekisaki mandats misato.
Mandat na ye eye esuki emamaki Burundi na mobulu mpe bitumba mpo baiike bazalaki kotelemela na kopesa nkombo yambo na maponami alongaki na 2015. Kasi M. Nkurunziza azalaki koboya mpo mibu mibale mizalaki kobanda kotanga mbongwana mosalamaki na Buku likonzi ya mboka na ye.
Bato bakufa mingi mpe mingi bakima mboka.
M. Nkurunziza akotaki na bonkonzi uto 2005.
Evariste Ndayishimiye ya parti politique moko na M. Nkurunziza CNDD-FDD nde asakolamaki molongi ya maponami le 25 mai 2020.
Esengeli M. Ndayishimiye alapa ndayi yambo apesana bokonzi na M. Nkuruziza.
