PM Ilunga akomeli M. Kakonde mokanda mpe asengi ye ndimbola likolo na mokano mwa ye ya kozongisa gouverneur Atou Matubuana Nkuluki mpe molandi mwa ye Justin Luemba Makoso na ebonga na bango.
M. Ilunga alobi akamwaki kolanda mokano ya M. Kankonde na etando moke.
"Likambo osali ezali kotiola bokonzi ya Ministre wa yambo, mpe lizali kobebisa bomoko mpe bosangisami kati ya mbulamatari mpe, likolo na manso, litamboli likolo ya ordonnance 17/24 ya le 10 juillet 2017 etali mabongisi mpe misala ya mbulamatari mpe bosali lisanga kati na mokonzi ya ekolo na mbulamatari," epameli M. Ilunga.
PM alobi ete M. Kankonde akokaki te kozwa mokano moye na bozangi kotuna ye
Na ngambo na ye, ministre Gilbert Kakonde ayanoli ete atikala komona mokanda ya Premier ministre Ilunga te. Mpe atuni soki nani alongolaki MM. Matubuana na Luemba mpo ye azongisa bango.
Lobi loleki, bakeli mibeko 24 ye etuka ya Kongo central bakweyisaki M. Matubuana na motion ya défiance nsima na masasi kobetama na ndako ya bokutani na bango.
