Na maloba akomi na compte Twitter na ye, Anneke VanWoundenberg, mokambi ya RAID alobi "bitumba na kaniaka na Congo ezali na litomba monene mpo na ekolo eye".
"Soki mokonzi ya RDC alingi mpenza kosilisa yango (kaniaka), bokangami bwa baye ya bokonzi ya kala ya Kabila bosengeli kolanda. Soki te, ekateli mpo na Kamerhe ekozala kaka kokanga mbanda monoko," ekomi VanWoundenberg.
O’mokolo mwa mposo moleki, M. Kamerhe aketelamaki etumbu ya mibu 20 mya misala mya makasi mpe zomi ya bopekisami makoki ya poliktiki nsimba na bosambisami ya sanza mibale.
Asambisamaki mpo na kaniaka mpe kopengwisa misolo pene na 50 millions $ mpo na botongami bwa ndako 1.500 na ntina ya mikolo nkama ya yambo ya president Tshisekedi.
Akitisamaki o’likambo elongo na Sammih jaml, nkolo compagnie SAMIBO, na Jeannot Mohima, mosali ya presidence mpo na import-export.
Basambeli ba M. Kamerhe balaki komema likambo lyango na Cour d'appel.
M. Kamerhe azalaki na mposa ya kozala candidat ya maponami ya mokonzi ya mboka na 2023.
Na boyokani asalaki na M. Tshisekedi na Nairobi, esengelaki ye nde azala candidat ya CACH (Cap pour le changement) lingomba basanganaki mpo na maponami na novembre 2018 mpo présidentielle.
Atikelaki M. Tshisekedi esika kais na 2023 esengelaki M. Tshisekedi atikela ye mpe lokola, ndenge bayokanaki.
