Fifa esakoli ete équipe nationale ya Russie ekobeta Coupe du monde ekoya te mpo na bitumba mampinga mazali kosala bitumba na Ukraine wuto sika mikolo mitano.
Mokano mwango mosakolami na liyebisi Fifa (Fédération internationale ya football association) ebimisi elongo na EUFA (Fédération européenne ya lisano lya ndembo).
Liyebisi lyango lilobi été ba équipes ya Russie banso batelemisami na mimekano minso ya molongo mpo na ntango suka eyebani nanu te.
Fifa na UEFA baskoli na siki siki ete Russie elongolami na Coupe du monde eye phase finale na yango ekobetama na sanza ya zomi na moko ekoya na Qatar.
Fédération eboyi mokano mwango mpe epameli Fifa na UEFA na mikano mya kokabola bato.
Ba clubs ya mibali ya Russie ekokoka bongo kobete te finale ya ligue ya ba champions ya UEFA.
Mingi mingi, Spartak Moscou eye etikalaki yango moko club ya Russie na Coupe d’Europe elongwe mpe na na Ligue Europa.
Mbano ya bitumba ya Russie emonani ata na Premier Ligue na lisano lya ndembo na Angleterre.
Mokolo Chelesea, nsomi ya Russie Roamn Abramovitch, asakolaki wuto mokolo mwa mposo ete apesi bokambi ya Chelsea FC na maboko ma mokambi ya Fondation ya Chelsea, kasi eyebani te mpo ngonga boni. Yambo na match ya lobi na Liverpool.
Ba capitaines ya ba clubs mibale, Chelesea na Liverpool, bakotaki na pelouse na fololo ya Langi ya bule na mosaka eye ezali bendele ya Ukraine. Liverpool nde elongaki match yango na tirs au but.
Ndenge moko moko mpe basi ya Russie bakopesa lisusu Euro te na Angleterre na sanza ya sambo.
Bitumbi misusu mpe bipesalami na Russie na masano misusu lokola Boke, Escrime, natation, athlétisme mpe basketball.
