Thierry Moungalla, ministre ya communication mpe molobeli ya mbulamatari ya ekolo Congo-Brazzaville alobi ete makambo manso makomami na rapport eye likolo ya mokonzi ya ekolo Denis Sasou Ngwesso mazali ya lokuta.
Mpo na M. Moungalla, makambo manso makomami na Consortium international des journlistes d'investigation (CIJI) na Pandora Papers "matali ata moke te na pembeni to na mosika tata mokonzi ya ekolo".
"Mpe, nakotalaka bonene ya makambo mafundami awa, mokonzi ya mboka akosalale makoki ya komema na bazuzi mpo na boluki kobebisa lokumu na ye, ba media nanso to moto nionso akolobela bofundi boye na kozanga kolakisa bilembo songolo," ekebisi M. Mougalla.
Mpe abakisi ete tata Tata mokonzi ya ekolo Denis Sasou Ngwesso akebisi mpe akani na kofunda na justice baye banso bakopanza nsango eye ya lokuta.
Pandora Papers ebimisaki bilembo ya ba enquêtes esala wuto mibu mingi.
Bakonzi ya bikolo misusu mpe na motango ntuku misato na mitano ya kala mpe ya sika, lokola mpe nkama moko na ntuku misato na bakambi ya misala mya mbulamatari ya mboka mingi mpe batangami na Pandora Papers.
Uhuru Kenyatta mokonzi ya Kenya na libota lya ye batangami na sekele ebengami Pandora Papers na kobomba nkita ya nkoto na millions ya ba dollars na nsima ya ba fondations, ndaku mpe biloko misusu na ba paradis fiscaux.
