"Joe Biden asengeli te na komisakola na libunga ete alongi ebonga ya mokonzi ya mboka. Ngai mpe nakoki kosakola yango. Makambo ya bazuzi mawuti nse kobanda!" ekomi président Trump compte Twitter na ye.
M. Biden aleki liboso ya Trump na Arizona lokola mpe na Pennsyvania mpe na Georgia ba éta epayi wapi M. Trump azalaki koleka na libandela lya botangi.
Bayi Biden basakoli ete candidat na bango akozwa maloba na mpokwa ya vendredi wuto état ya Delare esika azali.
Kasi wuto botangi ya nkasa etindamaki na nzela ya poste bobandaki, M. Biden aleki mpe azali kokoba kopusana liboso.
"Nazalaki koleka mosika na ba états oyo na butu ya maponami, kasi na kokamwa boleki bwa ngai bolimwe ndenga mikolo mizali koleka. Ntango mosusu boleki bwa nga bokozonga ndenge bosengi na biso na bazuzi bokokende liboso," ebakisi M. Trump.
Bayi ngambo ya Trump basengi na bazuzi kotala malamu na ba états eye mibale mpo ba bakanisi été moyibi mosalami.
Na bisika mingi balandi ya Trump basala milulu mpo na kosenga ete nkasa inso ekomaki na ba bureaux etangama te.
Bayi ngambo ya Biden bango bazali kosala milulu mpo na kosenga ete nkasa inso etangama.
Na ba états ya Georgia mpe ya Pennsylvania bakambi ba misala mya maponami balobi bakotanga nkasa inso soki eiamaki ndanga (caché) ya poste o ;mokolo mwa le 3 novembre, mokolo mwa maponami na bureaux ya vote.
Biden asi akomaki na ba boponi banene 253 mpe Trump 214. Molongi asengeli akoma na 270.
Botangi bokoki kokenge kino mokolo ya mposo na bisika miike.
