Bakambi ya Ituri, Nord-Kivu, Sud-Kivu, Maniema mpe Tanganyika bazalaki kuna elongo na bakambi ya mampinga, ya misala ya bokengi mpe bayike ya mbulamatari.
Bokutani boye bosalami mokolo moko nsima ya bofungwami ya laboratoire ya milona Olusengun Obasanjo mpo na etando mobimba ya Afrika ya kati kati, na Kalambo, na 20 kms ya Bukavu.
Félix Tshisekedi asalaki mobembo moye mpo na bobandi ya misala ya laboratoire yango o'mokolo ya misato moleki.
Azalaki na bokutani bosusu ya bokengi o'mokolo ya minei na ntongo. Kasi maye mazalaki na masalo mayebisami te.
Mokonzi ya mboka RDC azelami mokolo ya minei na Beni na Nord-Kivu.
