Yambo na bokundami na ye, président Félix Tshisekedi alekaki kopesa losako na nzoto na ye na clinique Ngaliema.
Lugi Gizenga akufaki na mibu tuku mitano na minei, le 2 juin na mbalakaka nsima komemama na lopitalo.
Azalaki secrétaire permanent ya PALU.
Nsima ya bokundami bwa Lugi, mwana mosusu ya Antoine Gizenga, Dorothée Gizenga asengi baye bazali kowela bokambami ya parti.
"Tolingi lisusu te ete bokambami bwa lingomba bowuta kaka na Congrès. Tozali awa. Tozali kokengela mpe tobeti mokoloto na légitimité. Bokitani bosengeli kowuta na na maponami na Congrès extraordinaire," elobi Dorothée Gizenga na TopCongo FM.
