Ntoma ya Etats-Unis na Kinshasa, Mike Hammer alobi mboka na ye ezali na lipombo na kosunga RDC na nzela ya boyokani bosalama na mbulamatari ya président Félix Tshisekedi PP4PP.
"Amerika esunga na kobongisa bisika tuku mwambe na moko bya bobombi bibundeli, epesa mateya na bayi mombongo pene na nkama mibale mpe ebebisa tonnes nkoto yoko na nkama sambo ya masasi malekaka motango ya bosenga mpe bibundeli pene na 180.000," elobi ntoma Mike Hammer, kolanda liyebisi lya ambassade ya USA na Kinshasa.
Wuto 2002, Etats-Unis esi epasa millions tuku misato na motoba na misala miye mya kobongisa bobateli mpe bosaleli na bokebi bibundeli mpe kobebisa bibundeli binso bizali na bosenga te.
