"Président Tshisekdi azali mpe kobundisa bokono mosusu, nazo’ lobela awa kaniaka. Eyebani ete Etats-Unis ezali kopesa ye maboko," ebeti sete M. Hammer.
Ambassadeur Hammer asengi ete lisungi liye lizala mpo bato baye bazali na mpasi.
"Na bopesi maboko ya ba media actifs, misala misno mibuki mibeko esengeli basala enquête mpo na yango ntango sango ya kondima epesami likolo na yango, mpe na nsima epesama na ba tribunaux," elobi M. Hammer.
Lisungi ya Etats-unis epesami lopitalo Saint-Joseph, Centre hospitalier Monkole, lopitalo ya bondeko Sino-Congolais, lopitalo ya Kinkole mpe Vijana.
"Bato banso basengeli na procès equitable (bosambisami ya sembo), kasi mutu moko te, ezala bokonzi bwa ye bozali nini to mpifo na ye, akoki te kozala likolo na mibeko – Yango eleki motuya mpo na démocratie mpe yango nde RDC ezali na bosenga na yango mpo na kokoka kosalela makoki mya yango ya minene mpe kobongisa lobi ya bana na yango banso," esakoli M, Hammer.
Etats-Unis epesaki mobu moleki, 17.4 millions $ mpo na bokonongo na RDC.
Bato bazwami na COVID na RDC bakomi 1.370 wuta le 10 mars. 61 bakufi. 229 babikisami.
