"Liboso bikolo ya Africa etinda ba soda mpo na bitumba na mboka Mozambique, esengeli liboso kosilisi bitumba na ba dongolomiso ya lingomba ADF na RDC," elobi Yoweri Museveni na masolo azuaki na bapanzi sango ya France 24 mpe ba media misusu ya France.
Mokonzi ya Ouganda abakisi ete masolo mazali kokoba na bakonzi ya RDC mpo na kotala lolenge nini lisalisi liye likoki kosalema.
Mikolo miye, misala mizali kosalema kati na bakambi ya bokengi ya bikolo biye mibale na mboka Beni (Nord-Kivu) mpe engumba mokonzi Kinshasa na Ouganda, na ntina ya koluka nzela ya kotala ndenge ya kobobundisa bayi lingomba ADF.
