Bitumba bingali wuto butu boleki kati na batomboki ba M23 mpe mampinga ma Ekolo Congo démocratique na Rutshuru, na Nord-Kivu.
Mokambi ya ndako ya mosala ya administrateur militaire ya territoire ya Rutsuhuru, lieutenant-colonel Muhindo Lwanzo alobi ete ba M23 babundisi ba FARDC na Runyoni mpe Chanzu, bisika bizalaki na maboko ma mampinga.
Kolanda maloba ma ye, ba M23 bazwi bisika yango kasi bitiumba bizali kokoka mpo na kobengana bango.
Sango yango endimami mpe na mokambi ya bakonzi ya boboko nae sika yango.
Mokonzi ya groupement Djomba bavandi bakimi bongo na ngambo ibale.
Baike bazwi nzela ya Ouganga, mingi mingi baye bazalaka na Bunagana, mpe basusu nzela ya Rutshuru na mboka lokola Mukinga, Tubona mpe Tcheya.
Basanza eleki, Ba FARDC babenganaki ba M23 na bisika biye mibale nsima na batomboki baye kobotola yango mpo na mwa mikolo.