Endimami sika ete Sadio Mané, mosani ya lokumu ya ba Lions ya Teranga, ekipi ya ekolo Sénégal, akozala te na mondial Qatar 2022 eye ekobanda mokolo mwa eyenga, nsima na lipaso azwaki o’mokolo mwa minei, 17 novembre 2022 na Bavière, na Autriche.
Minganga ya ba Lions ya Teranga na baye ba Bayern Munich, club na ye, basakoli ete lipaso lileki malamu kasi bayi Fédération ya Sénégal ya lisano lya ndembo (FSF) balobi ete ekosengala kozela mposo mwambe yambo ete Sadio Mané abeta ndembo.
"Tokozanga Sadio mpo azalaki moto ya mokano kasi esengeli tobosana te ete tozalaki makasi mingi mpenza mbamba te tozali na engambe Edouad Mendy, engambe Kalidou Koulibaly, ekipi ya monene," elobi ntoma ya ekipi ya Sénégal, El-Hadj Diouf oyo azalaki moko na baye bayebanaki kala na ndembo ya Sénégal eye ekomaka kino na quart ya final ya mondil na 2002.
Sadio Mané apesamaki lipaso o’mokolo mwa minei, 17 novembre 2022 nsima kozwa mpasi na likolo le 8 novembre na mact ya club na ye Bayern Munich na Brême.
Monganga ya Lions ya Teranga, ekipi na Sénégal, Manuel Afonso mpe andimami ete Sadio Mané akozala te na momekano ya mondial.
El-Hadji Diouf azalaka mpe "ballon d’or africain" mbala mibale.
"Tokosala oyo esengeli ata Mané azali te mpe tokolakisa na mokili ete bilombe bya Afrika, champion d’Afrique, bakoki mpe kosepelisa bato balingaka ndembo," elobi El-Hadji Diouf.