Côte d'Ivoire na Afrika ya Ngele (RSA) baleki bango mpe lokola na 1/2 finale ya CAN Côte d'Ivoire 2023 o'mokolo mwa mposo. Ba Elephants ya Côte d'Ivoire baleki nsima na kolonga ba Aigles ya Mali 2-1 mpe Bafana Bafana nsima kopolisa ba Requins bleus ya Cap verts na ba tirs au but (bobeti ndembo na mongete).
Nzokande Nigeria na RDC baye basi balekaki na 1/2 bazalaki kozela balongi ya ba matches ya mokolo mwa mposo mpo na koeyaba ba nani bakobeta na bango.
Na match na bango na Mali, aa Eléphants basalaki makasi mpo bazongisa mongete ba Aigles batiaki bango na 71' na Dorgeles Nene, Simon Andigra atiaki mongete ya yambo ya ba Eléphants na 90'+7 mpe Oumar Diakite abakisa ya mibale na 120'+2.
Sika, ba Eléphants bakobeta 1/2 finale na ba Léopards o'mkolo mwa mosala misato mokoya (7 février) na stade Alassane Ouatarra na ngonga ya 21h ya Kinshasa.
Bafana Bafana nde bakobeta na ba Super Eagles kaka mokolo moko wana na 18 ha ya Kinshasa.