Mokonzi ya Angola, Joao Lourenço akutanaki mokolo mwa mposo na mokonzi ya Rwanda, Paul Kagame, mpe na mokonzi ya Ekolo Congo démocratique, moto na moto na ngambo na ye, na masolo abengisaki ntango likita linene liya mbala 37 ya Union africaine na Addis-Abeba, na Ethiopie.
M. Lourenço azali mobonisi ya matata kati na Rwanda na RDC.
Bakonzi ba bikolo bisusu minei mpe bazalaki na lkita lyango. Kati na bango, William Ruto ya Kenya, Cyril Ramaphosa ya Afrika ya Ngele.
Na maloba azwaki, M. Tshisekedi alaksiaki ete Rwanda ezali kosala bitumba na RDC mpo kopunza bomengo yam abele ma mboka eye.
M. Kagame mpe apesaki eyano.
M. Lourenço na ngambo na ye, ayebisaki ete ntina ya likita lye ezalaki ya komema na botelemislisi bitumba kati na mampinga ma RDC na batomboki ba M23 mpe komeka masolo ya miso na miso kati na bakonzi ba Rwanda mpe RDC,
“Nzambi makambo mazali kokoba kobebisama mpe likama lizali ete moto mopela na etuka ya EAC (Likita lya bikolo Afrika ya Est) na ya SADC (Likita lya ntombwa ya bikolo bya Afrika ya nse)”, ekebisaki M. Lourenço.
Présidence ya Rwanda elobi likita lyango lizalaki mpe mpo na kolobela bokambi mabe na RDC mpe monyokoli ya tutsi.
Bakonzi babikolo bapesanaki mbote te na likita lyango mpe bakangaki photo te elongo.