Mobeti bibotu Tomy Yoka abetaki moyi ekolo Grande-Bretagne Lamah Griggs na bokaboli bitumba ya arbitre to mobeti piololo na round ya mibale mokolo mwa mposo moleki na Londres.
Elonga yango etangami bo’ K.O to bobweyisama makale kale.
Tomy Yoka alongi bongo bitumba ya mibale na kolandama nsima na kobetama na moyi RDC Martin Bakole, na moyi Cameroun Carlos Takam mpe Ryad Merhy na Belgique oyo abotama na Côte d’Ivoire.
Na sanza ya sambo eleki, Tony Yoka abetaki mpe lisusu moyi Belgique Amine Boucetta.
Tomy Yoka abundaka mpo na ekolo France kasi azali mpe na misisa na Ekolo Congo Démocratique (RDC) epayi moko na baboti ba ye bawuta.
Azali elombe ya kala ya Masano ma Olympiques mpe ya France.