President Felix Tshisekedi ya ekolo Congo Democratique alobi na likita lya Comesa (Wenze ya bikolo binso bya Afrika ya West) na Bujumbura, na Burundi, ete alingi bomati makasi na bomoko mpe na mpiko na Afrika.
"Lelo lisusu, bikolo mingi bya etuka na biso, kati na yango RDC, ezali na nkwokoso ya maye matali bokengi, ewuti na ba forces négatives (mangomba ya misala mabe) eye ezali kokoba komema mawa mpe kotiya epekisolo na ntombwa ya bana bikolo na biso," epameli mokonzya RDC.
M. Tshisekedi azwaki maloba na bofungwami ya bokutani ya mbala ntuku mibale na misato ya bakonzi ba bikolo bya Likita lya nkita ya lisanga lya etuka ya Afrika.
Mpo na Felix Tshisekedi, bokutani boye bosangisi bakonzi mpo na kokanisa na ndenge ya kokolisa bosangisami kati na etuka na ntina ya kotonga Afrika ya makasi, ya bomoko mpe ya mpiko.
Alobi ete ekolo na ye RDC emipesa na misala mya kozongisa kimya na bituka bya yango ya Est biye bisimbami na bitumba biye Rwanda ezali kosala yango na bozangi botosi.