Est ya RDC : lolenge ya kobika ya bato ezali kobeba se kobeba, esakoli PAM

Directeur régional ya misala miye mitali koliya ya bato to Programme Alimentaire Mondial (PAM) mpo na région ya Afrique australe, Eric Perdison, oyo azali na mobembo ya mosala na tin aya kolandela misala na Nord-Kivu, alobaki lelo mokolo mua mitano ya mokolo mua yambo ya sanza ya zomi na yoko été kobika ya bato na eteni en aya ekolo ezali kobeba se kobeba. Etuka ya Nord-Kivu ezali kokutana na mikakatano mingi lokola ya bokengi ya biloko ya koliya eye ezali kosenga lisalisi ya lombango mpe ya ba ndenge ebele. Eric Perdison akendaki kotala bisika babale ya bakima bisika ba bango to ba déplacés ya Bulengo mpe ya Lwashi. Na kotala bango, alobi été makambo mazali mpenza mabe mpe mazali kobangisa. Mpo na kosilisa mikakatano yango, alobaki été PAM ekokoba kosala makasi ma yango na ntina ya kolengela biloko ebele mpo na bakima bisika ba bango. Azuaki libaku ya kosolola na basalisi basusu to ba partenaires, lokola ya mbulamatadi.