Moponami ya kala ya état ya Florida Matt Gaetz oyo Donald Trump aponi mpo na kopesa ebonga ya ministre ya mambi ma Sembo asakoli ete aboyi yango nsima na mposo moko ya matata malandi botiyami na ye na Parlement.
" Ezali na ntango ya kobebisa te na bitumba bizali kowumela mpamba mpamba na Washington, yango wana namilongoli na misala mya botiyami na nga bo’ ministre ya Sembo, " elimboli M. Gaetz na X.
Nsima na elonga na ye na maponami ma mokonzi ya ekolo ya mokolo mwa 5 ya sanza ya zomi moko ya 2024, M. Trump aponaki M. Gaetz bo’ moko na bato ba yambo akopesa mokumba na mbulamatari na ye.
M. Trump aponaki kopesa M. Gaetz ebonga ya ministre ya mambi ma Sembo kasi lisakolami lya nkombo na ye mpe ya basusu limemaki nungu nungu na Partlement eye esengeli kondima yambo bato banso liboso ete babanda mosala.
Moponami ya kala ya état ya Florida boyima bwa ye bokomaki na bozangi bosembo koboma ntango.
M. Gaetz azali na nse ya boluki luki ya Suku ya Balakisi bilongi na boundami ya mbemba ya bosangisi nzoto na elenge mwasi nany akomeli te, na nse ya mibu zomi na sambo.
Atikaki mosala na parlement o’mokolo mwa zomi na misato ya sanza eye ya zomi na moko nsima na boponami bwa ye.