Politiki

Bakambi biyamba bakokutana samedi mpo na kosilisa matata ya kopona mokambi ya CENI

Ba episkopo ya CENCO (Conférence épiscopale nationale du Congo) na Centre interdiocésain na Kinshasa, 1er janvier 2017

Ngambo inso ya bakambi biyamba ekokutana o'mokoo mwa mposo na Kinshasa mpo na koluka eyano na bozangi boyokani mpo etali mokambi ya CENI, misala mya mabongisi maponami.

Bokutani bwango bokosalama na Centre interdiocésain ya CENCO na Kinshasa.

Wuto mokolo mwa mitano 1er ocotbre 2021, nde ngonga tuku sambo na mibale motambwisi ya Assemblée nationale apesi bango mpo na mbala ya suka, ebandi kotangama.

Motambisi ya Assemblée nationale Christophe Mboso Nkodia asengeki mpe mokolo mwa minei na bayi opposition kopesa mikanda ya boponi bato ba bango na CENI.

Nzokande Opposition, lokola CENCO na ECC bazali kosenga mabongisi ya mponami mpe mokambi ya CENI bandimama na banso.

Na ngambo na ye, ntoma ya Amerika ayambaki lobi, bakambi ba ECC na CENCO mpe nsima na yango baye ya biyamba motoba baye bapesaki nkombo ya Denis Kadima na Assemblée nationale mpo na kotambwisa CENI na bozangi boyokani na CENCO mpe ECC.

Ntoma ya Amerika, Michael Hammer alobi ete Amerika eboyi likambo ya kosala maponami nsima na ntango mpe ezali na boyokani na mbulamatari mpo na kosunga na maponami malamu, mandimami mpe ya pole.